Pavarësisht dyshimeve që u hodhën, sipas policisë rezulton se pas tritolit që iu vendos automjetit të minatorit Elton Debreshi, qëndronte pikërisht i vëllai, Alfred Debreshi.
Nuk dihet nëse dy vëllezërit kishin konflikte me njëri tjetrin, por nga profili në Facebook i Alfred Debreshit, nuk lihet të kuptohet se ai kishte mosmarrëveshje me të vëllanë.
Në rrjetin social nuk mungojnë foto të Alfred Debreshit me të vëllanë, e po ashtu ai i ka dhënë zë edhe kauzës së Elton Debreshit për mbrojtjen e të drejtave të minatorëve. Nuk dihen ende motivet që e çuan Alfred Debreshin t’i vendoste tritol makinës së Elton Debreshit.
Nga hetimet e bëra, policia ka arritur të faktojë se ishte Alfred Debreshi, 29 vjeç, personi që në orën 1 të mëngjesit të 27 gushtit, vuri një sasi të vogël plasëse në makinën Mercedez Benz, parkuar në oborrin e banesës të vëllait, duke i shkaktuar dëme materiale nga shpërthimi.
Alfred Debreshi, me banim në Bulqizë u arrestua në flagrancë, edhe pse gjatë marrjes në pyetje për ngjarjen ka mohusar gjithçka. Grupi hetimor ka ngritur dyshime mbi deklarimet e tij, duke siguruar prova të tjera, që sipas tyre, janë të mjaftueshme për tëimplikuar 29-vjeçarin në krim.
g.kosovari
