Kryeministrja e Norvegjisë tallet me Facebook-un për shkak të fotos historike
Fshirja e një fotografie në profilin e kryeministres së Norvegjisë në Facebook është kthyer në mollë sherri mes Erna Solberg dhe Mark Zuckerberg. Fotoja e postuar në kryeministrja norvegjeze ishte imazhi ikonik nga lufta në Vietnam. Por, Facebook duke zbatuar rregullat e mos lejimit të postimit të fotove nudo të fëmijëve e fshiu atë.
Gazeta më e madhe në Norvegji, “Aftenposten”, kishte në faqe të parë një letër ku akuzonte kreun e Facebook për “abuzim me pushtetin”, duke censuruar një postim.
Letra vinte pasi gazeta publikoi historinë e fotos së vajzës 9 vjeç, Kim Phuc duke e ecur e tmerruar pas shpërthimit të bombës me napalm. Fotografia në vitin 1972 fitoi çmimin “Pulitzer”.
Kryeministrja, Erna Solberg duke dalë në mbështetje të gazetës bëri share foton në llogarinë e saj në Facebook. Por rrjeti social reagoi duke e fshirë.
Solberg reagoi duke thënë se Facebook po kërkon që të rishikojë dhe historinë e njerëzimit dhe më pas publikoi dhe njëherë foton por me një shirit të zi, bashkë me disa foto të tjera historike me të njëjtën formëm duke u tallur me Facebookun.
Nëse Facebook do të kishte ekzistuar në vitin 1972 nuk do ta kishim parë kurrë këtë fotografi që jep një mesazh të fuqishëm.
Panorama/d.i.
