Ushtria shqiptare ka mbushur 105 vjet nga krimi i i saj, dhe pervjetori u festua pikerisht ne permbyllje te nje aksioni te madh nga FA, perballimi me sukses i permbytjes se ketyre diteve. Ministrja e Mbrojtjes, Olta Xhaçka, ishte e pranishme në ceremoninë e 105-vjetorit të Forcave të Armatosura. Nga sheshi “Nënë Tereza”, ministrja Xhaçka shprehu mirënjohjen e thellë për të gjithë anëtarët e FA, të të gjitha brezave, që kanë shërbyer me përkushtim për vendin e më gjerë.
“Rrugëtimi i FA fillon me fundin e luftërave ballkanike, për të vijuar me Luftën e Dytë Botërore. Ushtria shqiptare u krijua në kohën e pavarësisë.
Flamuri shqiptar nuk ka qenë asnjë herë pjesë e asnjë force pushtuese apo destabilizuese.
Fa japin kontributin sa herë ju kërkohet në tokë dhe në ajër.
Ju siguroj se jemi krenarë t’iu gjendemi krah kudo ndodheni, në Afganistan, Kosovë, etj, sepse jemi pjesë e aleancës më të fortë në botë e bazuar në të drejtat dhe liritë e njeriut. Ju keni treguar kurajë, nder dhe përkushtim maksimal të detyrës.
Nga lartësia e 105 viteve të ekzistencës ne shprehim mirënjohje për të gjithë brezat që kanë shërbyer me përkushtim. Jeni një ushtri e gjithanshme”, tha Xhaçka.
I pranishëm në ceremoni ishte dhe Presidenti i Republikës, Ilir Meta, i cili e cilësoi datën e sotme historike dhe gur të fortë themeli në historinë e shtetformimit. “Datë historike dhe gurë i fortë themeli në historinë e shtetformimit tonë”, theksoi Meta.
