Hamilton dhe Vettel e nderuan Alonson me ‘korridorin e nderit’.Leëis Hamilton dhe Sebastian Vettel i kanë bashkuar forcat për ta nderuar Fernando Alonson në Abu Dhabi, me rastin e përfundimit të karrierës së spanjollit në Formula 1.Britaniku dhe gjermani e mbyllën garën në pozitat një dhe dy, respektivisht, derisa spanjolli mbeti jashtë garës për pikë.
Sidoqoftë, pilotët e Mercedesit dhe Ferrarit bënë një ‘kordon nderi’ për pilotin e McLarenit në përfundim të garës.Tre yjet e Formula 1 që i kanë fituar 11 tituj ndërmjet vete në 14 sezonet e fundit, më pas e kompletuan në mënyrë simultane atë që njihet si ‘petull’.Dhe më pas, Hamilton dhe Vettel kanë folur para gazetarëve për respektin e tyre ndaj Alonsos.
“Fernando është një legjendë e vërtetë. Ka qenë një privilegj i vërtetë që të bëja gara në të njëjtën epokë me të. Do t’i mungojë këtij sporti. Do të na mungojë neve”, ka thënë Hamilton, i cili në vitin 2007 e ka pasur shok skuadre spanjollin. “Na ka munguar dhe do të na mungojë”, ka thënë Vettel duke iu referuar mungesës së spanjollit në garën për titull në vitet e fundit, si edhe largimin e tij nga Formula 1.
Theksojmë se piloti gjerman e ka mposhtur dy herë Alonson në garën për titull në raundet e fundit sezonale, përgatiti ”Telegrafi”. (b.an)
