Thellohet skandali me evazionin fiskal prej 5 milionë dollarë me hidrokarburet ku i përfshirë rezulton diplomati shqiptar që përfaqëson Shqipërinë në Turqi, deri pak kohë më parë drejtor i Përgjithshëm i Alpet. Ibrahim Aktoz ish-drejtor i ALPET, aktualisht në kërkim, mësohet se për shumë vite dhe aktualisht është konsulli ynë i nderit në Turqi.
Burime nga Task-forca që po heton këtë rast, thanë për Shqiptarja.com se diplomati i përfshirë në skandalin e hidrokarbureve është konsulli i nderit i Shqipërisë në republikën turke pranë vilajetit të Andasë, Ibrahim Aktoz.
Aktoz rezulton se ka lënë Shqipërinë prej më shumë se 3 muaj duke u larguar drejt Turqisë.
Sipas faksimiles së ambasadës sonë në Turqi, Aktoz është konsull nderi i Shqipërisë në Turqi prej vitit 2011 kohë në të cilën vendi drejtohej nga qeveria e djathtë me kryeministër Sali Berishën.
