Është mbyllur me zhgënjim aventura e peshëngritësve shqiptar në Kampionatin Europian. Erkand Qerimaj nuk u klasifikua në peshën 77 kg duke dështuar në të trija provat në stilin e shkëputjes, shtangisti nga Shkodrani vendosi në pedanë 153 kg duke mos arritur të realizonte provën, edhe tentativa e dytë rezultoi e dështuar.
Në provën e 3-të Qerimaj shtoi edhe një kg më shumë në shtangë, pra 154 , por rezultati ishte e njëjtë. Kjo u reflektua edhe në shtytje pasi mungesa e realizimit të një provë në shkëputje e skuafikoi automatikisht në stilin ku peshëngritësi kuqezi ka bërë gjithnjë mirë.
Në këtë mënyrë pavarësisht pritshmërive, Erkand Qerimaj e mbylli pa sukses këtë kompeticion, në të cilin ka arritur të triumfojë në të shkuarën, ndërkohë që Shqipëria arrin të koleksionojë vetëm një medalje atë të Briken Cales, megjithëse edhe nga Elbasansi pritej më shumë. Me sa duket skandali i dopingut i rregjistruar në vitin 2014 e ka goditur rëndë këtë sport dhe pasojat janë ende të mëdha për tu kapërcyer. Rezultatet jo të mira në këtë europian do të refelektojnë edhe në pikët e domosdoshme për lejekalimin në Lojërat Olimpike. Orasport
