Analisti Frrok Çupi thotë se PD po paguan për veprimet e Sali Berishës.
Në një intervistë për “Tirana Live” në ABC News, Çupi u shpreh se Berisha donte pushtet për të mbrojtur veten.
“E gjithë bota e përparuar uruan Edi Ramën. Uruan të majtët, centristët, të djathtët. Sot, këto nuk ishin garë, ishte thjesht një verifikim. Do shkojmë në Europë apo anti Europë? Sali Berisha kishte me vete njerëzit që kishin qenë në pushtet gjatë 30 viteve. Kishte 6 milionë dollarë të paguara, ishte superior në pagesa dhe në mashtrim. Kjo farsë kishtew si qëllim për të marrë pushtetin, për të mbrojtur vetëm veten e tij dhe familjen e tij”, theksoi ai.
Çupi deklaroi se Europa nuk ka nevojë për Sali Berishën, ndërsa shtoi se me humbjen e thellë në 11 maj, PD ka dalë jashtë loje.
“Atij i thotë mendja se edhe atë ditë mund të ndikojë, por është tjetër realitet. Shqipëria dhe politika shqiptare nuk kanë më nevojë për Sali Berishën dhe PD. Le të bëjë protesta, le të bëjë çfarë të dojë. PD ka dalë nga funksioni me atë rezultat. Kjo është arsyeja, varfëria e tij psikologjike, morale, psikologjike, e çon të bëjë këtë gjë. Fakti që kryeministri u urua në mënyrë aq shpërthyese, do të thotë se tani Shqipëria, de facto është anëtare e BE”, theksoi ai.
