Kana, perla e rivierës franceze, qyteti me famë botërore për festivalin e kinemasë, do të jetë baza e kombëtares shqiptare për finalet e Euro 2016, qershorin e ardhshëm.
Lajmi, i pakonfirmuar nga FSHF, është bërë i ditur nga Radio Monte Carlo, në programin sportiv, ku janë zbuluar vendqëndrimet e të gjitha skuadrave pjesëmarrëse në fazën finale.
Kuqezinjtë e Gianni De Biasit do të qëndrojnë në Hotel de Mougins, një hotel me katër yje në zonën me të njëjtin emër, nëntë kilometra nga bregu i detit.
Shqipëria do të luajë në Lens, Marsejë dhe Lion tri ndeshjet e Grupit A, përkatësisht kundër Zvicrës, Franës dhe Rumanisë.
