Etrit Berisha, portieri i kombëtares shqiptare është i bindur se kuqezinjtë nuk zhgënjejnë në Europian. “Gardiani” ka pohuar se merita më e madhe i takon trajnerit italian, Xhani De Biazi.
“Do të presim një Shqipëri sikur e kemi pritur deri të këto ndeshje që i kemi zhvilluar. E kemi dhënë maksimumin tonë dhe te gjithat i kemi arritur si grup i bashkuar dhe atje do të shkojmë për të njëjtën gjë. Do të mundohem të përfaqësojmë Shqipërinë sa më mirë që të jetë e mundshme”, ka thënë Berisha.
“Mund të them se vetëm ne në grup kemi besuar se do të shkojmë, pasi dihet se kemi pasur një grup të vështirë, mirëpo duke iu falënderuar edhe trajnerit që na ka mundësuar dhe na ka bindur se kemi një ekip cilësor dhe kemi një ekip që mund të arrijmë dhe të kualifikohemi”- tha Berisha.
