Interpol Tirana ka ekstraduar sot nga Greqia një shqiptar të dënuar me 25 vjet burg për “Vrasje me paramendim”.
Ndok Gjeka, 45 vjeç nga Lezha ishte dënuar nga Gjykata e Krimeve të rënda me 25 vjet burg për 3 akuza të ngritura nga prokuroria.
Ai u arrestua në Greqi për hesap të drejtësisë shqiptare.
E gjithë hakmarrja ka nisur për vrasjen e motrës së Ndok Gjekës. Shtjefën Matia në gjendje të dehur ka hedhur një granatë dhe nga shpërthimi ka vdekur motra e të pandehurit, ndërsa vetë humbi njërën dorë.
Familja e Ndok Gjekës nuk ia fali këtë gjë viktimës, megjithëse bëri disa herë përpjekje për të mos vazhduar gjakmarrjen, duke thënë se vrasja ishte kryer aksidentalisht. I pandehuri nuk e pranoi një fakt të tillë duke vrarë Shtjefën Matian.
Express/d.i.
