Njëra ndër makinat e eskortës së Ministrit të Jashtëm Ditmir Bushati ka pësuar një aksident, ku fatmirësisht nuk ka patur asnjë të lënduar. Vetë ministri, udhëtonte në automjetin tjetër dhe nuk është përfshirë në aksidentin mes një makine tjetër dhe automjetit që bënte pjesë në eskortën e tij.
Bushati po kthehej nga një takim me anëtarësinë e PS-së në Kukës, pasi ai është dhe njëherësh koordinatori i socialistëve për Veriun. Bushati ka patur takime në lidhje me referendumin që do të zhvillohet nesër në PS.
Lajmi është bërë publik nga deputetja e Partisë Demokratike Albina Deda e cila ka shkruar në profilin e saj në rrjetin social.
“ Sipas nje informacioni qe me erdhi, Ministri Bushati me eskorten e tij kane bere aksident pergjate rruges se Kombit ( ne afersi te Geziqit).
Policia e komisariatit Mirdite eshte ne vendngjarje”, shkruan Deda në Facebook.
