Ditën e sotme u zhvillua në fshatin Bularat te Dropullit ceremonia e varrosjes së eshtrave të ushtarëve grekë të rënë në luftën italo-greke për në varrezat murale. Eshtrat janë marrë nga parcela e hapur në fshatin Dragot në Tepelenë
Ndërkohë janë të varrosura gati mbi 200 ushtarë grekë nga lufta e zhvilluar midis dy vendeve, Italisë dhe Greqisë. Ceremonia ka filluar në ambientet e kishës së fshatit dhe ka vijuar në drejtimin jugor për në varrezat murale.
Të pranishëm në ceremoni ishin: përfaqësuesja më e lartë e shtetit grek, ambasadorja e Greqisë në vendin tonë, Atashehu ushtarak i ambasadës greke në Tiranë, kryetari i bashkisë së Gjirokastrës, si dhe drejtues të lartë të kishës së Gjirokastrës dhe Janinës, familjarë të ushtarëve, si dhe banorë të fshatit.
Theksojmë se ky proces është në kuadër të marrëveshjes midis Shqipërisë dhe Greqisë për varrosjen e ushtarëve greke. Por nga ana tjetër nuk ka pasur asnjë lloj reagimi nga ana e banorëve të fshatit Dragot.
ma.me
