Ngjarja e rëndë e ndodhur në Shkodër ku dyshohet se Alma Arrazi u vetëmbyt së bashku me 3 fëmijët e saj, mund të ketë qenë një vrasje.
Kështu deklaroi avokati Spartak Ngjela i ftuar në emisionin “Breaking” me gazetaren Fiori Dardha në Top News.
Sipas Ngjelës, autopsia duhet të nxjerrë përfundime për këtë ngjarje, por ende nuk ka asnjë përfundim. Ndërsa u shpreh i bindur se është e pamundur që fëmijët të mbyten së bashku me të ëmën.
Nuk e dimë shkakun e vdekjes së 4 personave. Nuk mund të mbyten fëmijët bashkë me nënën. Në 99% është pamundësi absolute. E dyta duhet të dimë shkakun përse nëna vret fëmijët. Zakonisht, kjo në termin profesional të hetimit është hakmarrje ndaj burrit. Për të ditur pse, duhet të dimë çfarë konflikti kanë pasur bashkë”- tha Ngjela.
Ndërsa mes të tjerash, shtoi se nuk kishte prova të mjaftueshme për mbajtjen në burg të Erdgys Arrazit, bashkëshortes së të ndjerës, nën akuzën e shkaktimit të vetëvrasjes. Sipas Ngjelës, nëse vërtet është vetëvrasje, atëherë mund të jetë bërë për hakmarrje të Alma Arrazit ndaj bashkëshortit të saj.
“Nuk dimë shkakun e ngjarjes. Nuk ka prova për shtytjen në vetëvrasje, duhet të ketë keqtrajtim e gjëra të tjera që të shtyjnë në atë akt. Është hetim shumë i vështirë. Këta e kanë arrestuar bashkëshortin por nuk e dimë përse, është shtytje për vetëvrasje apo akt kriminal?
Nëse akti i mbytjes së fëmijëve është real, është hakmarrje ndaj të shoqit. Ne nuk dimë konfliktin e saj të brendshëm me bashkëshortin vetëm arrestimin e këtij të fundit”- shtoi avokati./m.j
