Gazeta italiane “Il Piccolo” ka zhvilluar një intervistë me ministrin e Brendshëm të Shqipërisë, Saimir Tahiri. Kjo pasi Shqipëria është vënë në qendër të vëmendjes së mediave ndërkombëtare pas vendimit për të “mbyllur” kufirin me Greqinë.
Është ora 11 e natës kur ministri i Brendshëm Saimir Tahiri hyn në zyrën e tij. I lodhur, ai ulet në kolltukun prej lëkure dhe duart i vendos në mjekër. Qëkurse vendi i Ballkanit ka deklaruar të “mbyllur” kufirin për emigrantët që hyjnë në Evropë, vendi i tij është në syrin e stuhisë… kështu nis shkrimi i gazetarit, Giovanni Vale.
Tahiri thotë se, pyetja që shtrohet se kur do të ndodhë pasi ai nuk e vë në dyshim që emigrantët që ndodhen në Greqi do të hyjnë në Shqipëri. Ministri thotë se kjo është një çështje ditësh apo javësh.
“Çështja është se kur kjo të ndodhi nëse nuk ka një zgjidhje të përbashkët, do të jetë një problem jo vetëm për Shqipërinë por gjithë Evropën”, shprehet Tahiri.
Ministri shprehet se në bashkëpunim me partnerët Shqipëria ka forcuar kontrollin në kufi. Por ai kërkon ndihmë evropiane, pasi ky nuk është një problem shqiptar apo grek, por një problem i përgjithshëm.
Përllogaritet se në territorin grek ndodhen rreth 50 mijë emigrantë, përfshirë 15 mijë vetëm në kampin Idomeni.
Gazetari e pyet se sa prej këtyre njerëzve mund të presë Shqipëria? Tahiri përgjigjet se, sa do që të akomodojnë numri do të jetë i pamjaftueshëm.
Sipas BE-së, Shqipëria nuk mund të presë më shumë se 200 persona në ditë. Për të shmangur një situatë të tillë Shqipëria ka kërkuar ndihmën e Italisë, kur ministri i Brendshëm Alfano do të vijë në Tiranë për të hedhur firmën finale.
Policia Shqiptare ka rritur prezencën pranë kufirit me Greqinë pas mbylljes së rrugës tranzit nga Maqedonia dhe Serbia. Kufiri po monitorohet non-sport, ndërsa forca të tjera policore kontrollojnë rrugët pranë kufirit grek.
Javën e ardhshme, Angelino Alfano do të mbërrijë në Tiranë për të diskutuar “teknikalitetet” për patrullimin e përbashkët të kufirit greko-shqiptar. Panorama
