“Britanikët na kanë informuar se një variant i Covid-19 është shfaqur prej disa kohësh, madje që nga shtatori, edhe pse duket se është i izoluar vetëm ditët e fundit”.
Profesor Walter Ricciardi, ka konfirmuar llojin e ri të koronavirusit me “origjinë” nga Britania e Madhe.
Por ky lloj i ri i virusit, nuk ka rezultuar deri tani të ishte më vdekjeprurës ose më rezistent ndaj vaksinave, por është në gjendje të përhapet më shpejt, pra shumë infektues.
“Nuk është një formë më agresive ose më vdekjeprurëse, por është shumë më ngjitës, – vazhdon këshilltari i Ministrit të Shëndetësisë së Italisë. – Në fakt, në Mbretërinë e Bashkuar ka pasur një rritje të papritur të rasteve dhe sot ka arritur gati 36 mijë infeksione, një rekord “.
Ricciardi shpjegoi se shansi më i madh i infeksionit është për shkak të aftësisë së këtij varianti të virusit për të hyrë në trupin tonë përmes mukozës.
Më në fund, një siguri e rëndësishme, sipas Ricciardit: “Nesër do të kemi një konfrontim të ri me britanikët, por ata tashmë kanë konfirmuar se për momentin nuk do të rrezikonte efektivitetin e vaksinës”.
Ndërkohë, ministri italian i Shëndetësisë, Roberto Speranza, shpjegoi se Italia, si masë paraprake ka vendosur të bllokojë fluturimet për në Britaninë e Madhe, “për t’u dhënë mundësinë shkencëtarëve tanë të kuptojnë shkallën e virusit me të cilin përballemi”.
/a.r
