Vaksina kineze “Coronac” që po aplikohet dhe në Shqipëri nuk njihet nga EMA dhe për këtë arsye, shumë qytetarë refuzojnë të vaksinohen me të, pasi nuk u njihet në vendet e Bashkimit Europian.
Në diskutimin e sotëm në “Open”, epidemiologia Eugena Tomi thotë se vaksina kineze është efektive kundër koronavirusi njësoj si vaksinat e kompanive të tjera dhe nuk është kjo arsyeja pse EMA dhe FDA nuk e miraton.
Sipas saj, përgjigja është teknika që kompania kineze ndjek:
“Një vaksinë miratohet nëse firma dërgon kërkesën te EMA dhe FDA. EMA e ka nisur hetimin për Coronavac që para 11 muajsh, nuk e ka nisur sot. Ka marrë në shqyrtim një sërë faktorësh. Por, vetë kompania nuk ka bërë asnjë kërkesë”.
Vaksina kineze është vaksina e parë kundër Covid 19 që ka mbërritur në vendin tonë, në muajin janar, ndërsa vazhdon të ketë gjendje në qendrat e vaksinimit.
g.kosovari
