Vaksina e parë kundër Covid-19 në Evropë, pritet të aprovohet në vitin 2021. Kreu i rregullatorit të vaksinave në Gjermani, Klaus Cichutek ka thënë se pret që vaksinat e para COVID-19 të aprovohen në Evropë në fillim të vitit 2021, por paralajmëroi se do të duhej kohë para se të fillonin vaksinimet.
“Është shumë e dobishme që të zhvillohen disa lloje të ndryshme vaksinash kundër Covid-19, pasi në eksperiencën tonë, vaksinat kanë karakteristika të ndryshme dhe mund të kenë efikasitet tëndryshëm për grupe të caktuara moshe, ose njerëz me kushte ekzistuese. Ne po llogarisim një numër vaksinash, të cilat mund të përfundojnë duke u aprovuar për përdorim,”- ka thënë Klaus Cichutek, President i Institutit për Vaksinat.
Ndërsa, Komisioni Europian ka lajmëruar se është në bisedime të ndryshme për të siguruar doza të vaksinave protenciale. Gjithashtu, Presidentja, Ursula von der Leyen, ka thënë se situata është tepër shqetësuese në kontinentin e vjetër dhe shtoi se janë arritur 4 marrëveshje me kompani që po zhvillojnë vaksina kundër Covid-19.
g.kosovari
