Stadiumet e Kupës së Botës Katar 2022 do të jenë pa alkool, sipas Reuters. Kjo është e para herë që Kupa e Botës mbahet në një vend mysliman me kontrolle të rrepta mbi alkoolin, duke paraqitur sfida unike për organizatorët e një ngjarjeje që shpesh lidhet me adhuruesit e pirjes së birrës dhe sponsorizuar nga markat globale të prodhimit të birrës.
“Birra nuk do të shërbehet gjatë ndeshjes ose brenda stadiumit”, tha një burim për Reuters. Konsumimi i alkoolit në vende publike është i paligjshëm në Katar.
Megjithatë, tifozët në Kupën e Botës së nëntorit do të jenë në gjendje të blejnë birra gjatë periudhave të kufizuara në pjesë të caktuara të zonës kryesore të tifozëve të FIFA-s në parkun Al Bidda në Doha.
Ndryshe nga zonat e mëparshme të tifozëve të Kupës së Botës, birra nuk do të shërbehet gjatë gjithë ditës, por në kohë të kufizuara.
Alkooli do të jetë gjithashtu i disponueshëm për 15,000 deri në 20,000 tifozë në një cep të pashfrytëzuar të Doha Golf Club, disa kilometra larg stadiumeve dhe zonës kryesore të tifozëve.
