Ministri i Drejtësisë Ylli Manjani ka folur për herë të parë në lidhje me hetimet që po bëhen në Greqi për trafikun e drogës dhe emrin e Klement Balilit, personit të cilësuar nga mediat greke si “Escobari i Drogës”. Manjani tha se Klement Balili, i cili mbante pozicionin e drejtorit të patentave në Sarandë është shkarkuar nga detyra e tij. Në lidhje me aludimet se Klement Balili ka lidhje me LSI-në Mnjani tha se nuk ka “king, gangster apo ministër” që do ti shpëtojë drejtësisë nëse ka shkelur ligjin.
“Përshëndes absolutisht policinë e shtetit, policinë e shteti grek, organet e hetimit.. unë mund tju siguroj sot, që kërkesa ime ka qenë dhe mbetet një:
Cilido person, king, garip ministër zyrtar, nëse ka shkelur ligjin do jetë përpara hekurave.
Mund t’ju them këtë gjë që është partia e vetme që ka të normuar mosmbrojtjen politike të askujt, kryetar, anëtar apo simpatizant i LSI.
Ne dijeninë time personi që ju flisni, që ju përflisni është shkarkuar sot, për ti dhënë hapësirë organzeve të hetimit.
Në dijeninë time është shkarkuar nga puna, pavarësisht se mbi atë qytetar nuk ka një akuzë publike.”- tha Manjani.
Manjani tha se ka qenë në dijeni të hetimeve në lidhje me këtë bandë kriminale por ka patur rezerva në dhënien e detajeve për hetimet.
“Përsa më takon mua si Ministër i Drejtësisë unë kam dijeni se ka një operacion policor jo prej 48 orësh por mesa mbaj mend unë që në muajin mars. Duhet të pranoj këtë gjë që publikimi i këtyre gjërave nuk i ndihmon hetimet, prandaj jemi tërezervuar në këto gjëra.
Nuk besoj se e ndihmojmë cështjen duke e ekspozuar atë…”- tha Manjani. javanews. a.k
