Gjykata e Tiranës ka dhënë masën e sigurisë për 28-vjeçarin Sadetin Erkoçeviq, i arrestuar tre ditë më parë, i akuzuar për tentativë vrasje.
“Arrest me burg” vendosi gjykata ndaj tij, duke bërë që të qëndrojë në qeli në vijim të hetimeve.
Mësohet se autori është shprehur në gjykatë se nuk ka pasur dijeni që kërkohej dhe që ishte i dënuar më parë me 20 vite brug.
Shërbimet e Komisariatit të Policisë Nr.2 në Tiranë, falë marrjes së informacionit nga qytetarët dhe bashkëpunimit mes strukturave të Policisë Tiranë dhe Shkodër, bënë të mundur parandalimin i një vrasjeje, i cili dyshohej se do të kryente një krim të rëndë në Tiranë.
Rreth orës 20:50 të së martës, është marrë njoftimi nga ana policisë së në rrugën “Bilal Xhaferi”, ndodhej një person i cili bënte lëvizje të dyshimta dhe dyshohej se kishte armë zjarri me vete.
Policia ka organizuar punën duke bërë lokalizimin e menjëhershëm të personit të dyshuar. Shërbimet e Policisë kanë mbajtur nën kontroll personin duke bërë të mundur që me metoda të shpejta proaktive në bashkëpunim me Policisë Tiranë dhe Shkodër të identifikonin personin e dyshuar, person me rrezikshmëri të lartë shoqërore.
Shërbimet policore kanë ndërhyrë menjëherë duke e neutralizuar dhe shoqëruar në komisariatin e Policisë Nr. 2, shtetasin Sadetin Erkoçeviq, 28 vjeç, lindur dhe banues në Shkodër.
Të dyshuarit në momentin e kontrollit i është gjetur në çantën e dorës një armë zjarri pistolete e tipit Bereta, me 14 fishekë dhe një fishek në fole gati për qitje.
Gjykata e Shkodrës, me vendim të formës së prerë në datën 15 shkurt 2018, e ka dënuar me 20 vjet burg për veprat penale “Vrasje me dashje” dhe “Prodhim dhe mbajtje pa leje te armeve e municioneve luftarake”.
Kjo pasi më datë 10 mars 2014, në një lokal me muzikë live, Sadetin Erkoçeviq ka vrarë me armë zjarri pistoletë shtetasin I.Y., dhe ka plagosur një tjetër.
