Kryeministri Edi Rama dhe Kandidati i PS per Bashkine e Tiranes, Erion Veliaj, gjate mitingut permbylles te fushates se Aleances per Shqiperine Europiane, ASHE, ne sheshin “Nene Tereza”, per zgjedhjet lokale te 21 qershorit. /r/n/r/nPrime Minister Edi Rama and Candidate of Socialist Party for mayor of Tirana, Erion Veliaj, during the closing campaign of Aliance for the European Albania, AEA, in the square “Mother Teresa”, for local elections on 21 June.
Kryebashkiaku Erion Veliaj shpreh bindjen e plotë se Lulzim Basha nuk do të bëhet kurrë kryeministër. Në një intervistë për “Real Story”, ai tha se Basha e tregoi kur ishte në krye të Bashkisë së Tiranës se nuk ia doli dot, ndaj nuk ka asnjë shans për të fituar, pasi qytetarët e kanë provuar që s’di të bëjë asgjë. Veliaj shtoi se Kryeministri Edi Rama i drejtohet një fitoreje të 3-të bindëse në zgjedhjet e radhës dhe mezi pret që të rinisë një bashkëpunim si kurrë më parë të një kryeministri dhe të një kryetari bashkie në Tiranë.
“Ai që është i suksesshëm në bashki, u bë kryeministër, ndërkohë që ai që nuk ishte i suksesshëm në bashki dhe nuk performoi dot, ka 3 herë që lloc. Edi Rama i drejtohet një fitoreje të 3-të bindëse si kryeministër i Shqipërisë dhe mezi pres të rifillojmë prapë një bashkëpunim si kurrë më parë të një kryeministri dhe të një kryetari bashkie në Tiranë. Për mua ka qenë një shans i jashtëzakonshëm bashkëpunimi me Edin, për mua ka qenë një ditë që s’duhet humbur, se nuk të vjen kurrë një shans që kryetari i bashkisë dhe kryeministri të gjejnë gjuhën, njëri të ketë pasur punën e tjetrit dhe të ‘klikojnë’ kaq shpejt. Për të gjitha këto arsye mezi pres betejën e radhës, fitoren e radhës, edhe punët e radhës për Tiranën dhe për Shqipërinë”, theksoi Veliaj.
Mandej, ai e ka cilësuar një bekim mundësinë për t’i shërbyer qytetit dhe qytetarëve të Tiranës. “Sa për mua, jam i fokusuar te kjo punë. Sa kam filluar mandatin e dytë edhe me ligj kemi edhe një mundësi, e nëse marrim edhe uratën nga publiku, për mua është një bekim t’i shërbej këtij qyteti. Kështu që, jam shumë i fokusuar këtu”, tha Veliaj.
