Deputeti i PS, Erion Braçe ka reaguar pas plagosjes me thikë të kryeashkiakut të Divjakës, Fredi Kokoneshi dhe shoferit të tij, Gazmir Bullari.
Braçe e konsideroi ngjarjen shumë të rëndë, ndërsa theksoi se në momentin kur u plagos zyrtari socialist ka qenë në punë.
“Ngjarja e Divjakës është shumë shumë e rëndë. Tani ka shumë rëndësi shëndeti i kryetarit të bashkisë, Fredi Kokoneshi dhe i punonjësit të Bashkisë, Gazmir Bullari, ose Miri siç e njohim ne.
Fokusohuni tek shëndeti ka kohë për ti shkuar gjërave deri në fund. S’ka ndodhur asnjë konflikt në poliklinikën e Divjakës. Zero, kryetari i bashkisë ka qenë në punë, jo në poliklinikë”, tha Braçe.
Sipas policisë, ngjarja ndodhi rreth orës 09:30, në afërsi të bashkisë Divjakë. Autori i dyshuar 46 vjeçari Orgest Xhelili u shoqërua në komisariat.
/s.f
