Mesazheve ngushëlluese që artistët shqiptarë i kanë dërguar familjes së këngëtarit të ndjerë Ergi Dini u është bashkuar edhe Rozana Radi.
Në mesazhin e kësaj të fundit, ajo i është drejtuar motrës së Ergit, Barbana Dini. Mes rrjeshtave, Rozana shprehet se Ergi nuk është larguar nga familja por se do të jetë përgjithmonë në zemrat e tyre.
“Barbana e shtrenjtë! E di mirë që sot po mban në lëkurë peshën e vetmisë të Ergit tënd të dashur!Shiko qiellin dhe vëre dorën në zemër. Vëre dorën në zemër sepse aty askush nuk mund ta largojë Ergin nga ty portretin e tij vështrimin e tij!Në zemër është vendi më i sigurtë. Është vendi ku ai ka lindur! Sepse një vëlla përpara se të vi në jetë ka qenë në zemrën tënde të motrës, babait ,nënës. Dhe do të qëndroj aty dhe pse fluturoj shumë shpejt lart. E di që do ta shohësh atë qiell me zili sepse të ka marrë vëllain tënd të vetëm. Por ti mos e largo dorën nga zemra sepse Ergi është aty e do të jetë gjithmonë” shkruan Rozana Radi./Expres/a.m.
