Çmimet e energjisë për konsumatorët, por edhe mes operatorëve për periudhën 1 korrik -31 dhjetor 2016, nuk do të kenë asnjë ndryshim me pjesën e parë të vitit.
Bordi i Komisionerëve i Entit Rregullator të Energjisë, pasi dëgjoi analizën e bërë nga drejtoria teknike, vendosi që të miratojë propozimin që tarifat të mos ndryshojnë. Më herët, në aplikimet e tyre KESH kishte vlerësuar se kishte nevojë për të ardhura në vlerën 4.8 miliardë lekë për periudhën 6 mujore dhe një prodhim të parashikuar 1.667 gigavat/orë çka korrespondonte me një tarifë 2.91 lekë/kwh. Aktualisht KESH ka tarifën e prodhimit 1.45 lekë kwh.
Operatori i Shpërndajes së Energjisë vlerësonte në aplikimin e tij se tarifa mesatare që do të sigurionte investimet dhe të ardhurat e nevojshme do të ishte 11.31 lekë/kwh por gjithsesi kompania deklaroi se ishte dakord që të lihej në fuqi vendimi i vjetër për çmimin e energjisë tek konsuamtorët fundorë që është mesatarisht 9.5 lekë/kwh për familjarët.
Operatori i Sistemit të Transmetimit paraqiti aplikimin e tij për një tarifë 0.79 lekë këhnga 0.65 lekë për kwh që është aktualisht. Ajo që u theksua nga ana e drejtorisë teknike të Entit Rregullator ishte fakti që lidhej me bilanicin e mirë të KESH për prodhim disi më shumë se parashikimi dhe se që tarfiat të jenë funksionale OSHEE duhet të jetë shumë e rregullt me pagesat ndaj të dy operatorëve të tjerë. (java /r.a)
