“Lufta” e fjalëve dhe tensionet mes Turqisë dhe Rusisë e konsideruar ndryshe si ‘Sulltani kundër Carit’ duket se nuk do të shuhen kollaj. Presidenti turk Recep Tayyip Ergodan tha se kritikat e homologut të tij rus Vladimir Putin në lidhje me rrëzimin e avionit rus të martën, janë të papranueshme. Madje presidenti turk ka paralajmëruar Putin, duke thënë që “të mos luajë me zjarrin”. Erdogan tha se shpreson që të ketë një takim me homologun e tij në samitin për mjedisin, që do të zhvillohet në Paris javën e ardhshme.
“Do doja ta takoja ballë për ballë Putin në Paris. Do doja gjithashtu që ta çonin këtë çështje në një pikë të arsyeshme. Jemi të shqetësuar se situata është përshkallëzuar”- tha Erdogan.
Sakaq, Rusia ka rikthyer regjimin e vizave me Turqinë, duke hequr marrëveshjen mes dy vendeve. Lajmin e ka bërë të ditur Ministri Jashtëm rus Lavrov.
Ministri i jashtëm rus Sergei Lavror paralajmëroi Turqinë duke thënë se kishte kaluar cakun të martën, duke qëlluar avionin rus. Lavrov shtoi se incidenti mund të dëmtonte rëndë interesat turke.
“Ne besojmë se lidershipi turk e ka kaluar cakun e asaj se cfarë mund të quhet e pranueshme”- tha Lavrov në fjalën e tij, gjatë takimit me homologun sirian Ëalid Muallem, në Moskë.
