Presidenti i Turqisë, Recep Tayyip Erdogan, tha se njohja e rajoneve të shkëputura në Ukrainën lindore nga ana e Rusisë është e papranueshme, raporton Anadolu Agency (AA).
Duke folur nga Afrika ku qëndron në një turne ku do vizitojë tre vende, presidenti Erdogan u bëri thirrje gjithashtu palëve që të udhëhiqen nga mendja e shëndoshë dhe ligjit ndërkombëtar në vazhdën e lëvizjeve të fundit të Rusisë, duke përfshirë dërgimin e trupave në Ukrainën lindore.
Presidenti turk u shpreh se duke qenë se Turqia është një vend me dalje në Detin e Zi, nevojiten shumë masa për situatën në Ukrainë e cila gjithashtu është një vend me dalje në Detin e Zi, duke shtuar se tashmë po merren masa të tilla.
Erdogan shtoi se për të ndihmuar në zgjidhjen e situatës, Turqia është gjithashtu e gatshme të marrë pjesë në një samit të përbashkët të Këshillit të Sigurimit të OKB-së së bashku me Gjermaninë, siç propozohet nga Ukraina, nëse vendet e tjera bien dakord.
Duke folur rreth vizitës në Turqi të presidentit izraelit që pritet të ndodhë muajin e ardhshëm, ai tha: “Ne i kushtojmë rëndësi vizitës së Isaac Herzog në Turqi, e cila mund të çojë në zhvillime në fusha të tjera”.
Vizita shihet si një shenjë e një debllokimi të mundshëm të marrëdhënieve turko-izraelite.
Sa u përket lidhjeve të Turqisë me Arabinë Saudite, Erdogan tha: “Turqia dëshiron të përmirësojë marrëdhëniet e saj me Arabinë Saudite, ne duam dialog pozitiv dhe përmirësimin e lidhjeve përmes hapave konkretë”.
/b.h
Po 20 milionë kurdë që jetojnë në Turqinë veriore s, kanë të drejtë të kenë shtetin e tyre? Sa etni jo turke jetojne në Turqi? Ku eshte kryetari i partisë së Kurdistanit turk? Në burg,pse kërkoi që 20 milion kurdë bashkë me kurdët e Irakut,kurdët e Sirisë kurdët e Iranit,pra afro 40 milionë banorë kurd të krijonin Kurdistanit si shtet të tyre.Kjo është e vërteta Sulltan vëlla Rexhep Tajip Erdogan.Faleminderit për gjithçka ke bërë për popullin tim,por…