Faqja online e qeverisë turke u bllokua pas komenteve të Presidentit Erdogan, që bëri thirrje për mobilizim.
Gjatë një fjalimi ditën e shtunë në Kahramanmaras, ai u kërkoi qytetarëve turq të jenë të përgatitur kur të marrin urdhër për mobilizim. Megjithatë, Presidenti theksoi se për momentin nuk ka asnjë emergjencë.
“Të jemi gati për mobilizim, edhe pse nevoja nuk është imediate”, theksoi Erdogan.
Pas kësaj deklarate të Erdagan, u rrëzua faqja online e Ministrisë turke të Mbrojtjes dhe të gjitha shërbimet online të qeverisë së Turqisë.
Deklarata e Presidentit që bënte thirrje për mobilizim u shpërndanë në të gjithë mediat elektronike në vend, duke shkaktuar panik tek qytetarët.
Zyrtarisht nga qeveria nuk ka asnjë deklaratë për këtë bllokim të faqes së qeverisë dhe kush janë shkaktarët.
