Gjykata e Tiranës ka vendosur të ekstradojë drejt Gjermanisë, 24-vjeçarin nga Takixhistani, Komron Zukhurov, i shpallur në kërkim ndërkombëtar.
Zukhurov u arrestua më 30 prill, i akuzuar “Pjesëmarrje në një organizatë të huaj terroriste”.
Po ashtu nga hetimet e kryera dyshohet se 24-vjeçari është anëtar i një celule terroriste, e cila vepronte për llogari të ISIS.
Sakaq ardhja e tij në Shqipëri, dyshohet se u bë për të ekzekutuar biznesmenin Albano Aliko.
Për të kryer porosinë, të riut takixhistanez i ishin premtuar 40 mijë dollarë.
Avokati i taxhikistanezit Komron Zukhurov, ish-deputeti socialist Asllan Dogjani, deklaroi në dalje të gjykatës e cila vendosi “arrest me burg” për të se 24-vjeçari ka pranuar kërkesën për ekstradim drejt Gjermanisë, vend i cili e ka shpallur në kërkim.
Ai ka mohuar që klienti i tij të ketë ardhur edhe më parë në Shqipëri, dhe se pas publikimeve në media, shërbimi sekret i ka marrë familjen dhe regjimi po i terrorizon të afërmit
I riu nga Taxhikistani kishte mbërritur në Shqipëri dy muaj e gjysmë para arrestimit, në aeroportin “Nënë Tereza”, ndërsa u vu në pranga mbrëmjen në qendër të Tiranës në bulevardin “Dëshmorët e Kombit”.
Policia tha zyrtarisht se i dyshuari ishte person i shpallur në kërkim ndërkombëtar nga Interpol Wiesbaden, Gjermani, pasi në ngarkim të tij, Gjykata Federale në Karlsruhe, Gjermani, më datë 21 prill 2020 ka lëshuar urdhrin e arrestit ndërkombëtar, për veprën penale “Pjesëmarrje në një organizatë të huaj terroriste”, i dyshuar si anëtar dhe pjesëmarrës i kësaj organizate të huaj terroriste, e themeluar si celulë terroriste në Gjermani për të bërë xhihad në emër të shtetit islamik (ISIS).
/a.r
