Petrit Reçi, pronari i marketit që pa për herë të fundit Andon Kelin para se të vdiste, ka rrëfyer momentin kur e ka parë të plagosur. Në një prononcim për mediat, Reçi thotë se sapo ka parë plagën ka njoftuar policinë, ndërsa shton se nuk ka dëgjuar zhurmë arme.
“Unë po rrija te supermarketi, vjen Antoni me shpejtësi. I them si je, më thotë mirë, jam plagosur. Si je plagos’, i them, ku te makina. Erdhi hyri në dyqan u ul në stol dhe shkova për ta parë se ku e ka marrë plagën dhe aty ra pa ndjenja dhe pastaj njoftova policinë, policia njoftoi ambulancën, erdhi ambulanca dhe e çoi në spital. Nuk kam dëgjuar as zhurmë, as krisma, në momentin që hyri në dyqan dola që të shikoja a kishte makina për ta çuar të spitali, por jo s’kishte lëvizje. Mora policinë. Nuk ka fol asnjë fjalë më tha vetëm “jam plagosur te makina”,-është shprehur Reçi.
