Muaji Janar i Vitit të Ri 2018-të ka nisur me vrull. Rubrika humoristike e emisionit “Kjo Javë” në News 24 ka mbledhur momentet më pikante nga aktivitetet politike por jo vetëm.
Ministren e Shëndetësisë, Ogerta Manastirliu e kemi parë që në 1 janar pranë bebeve të para të 2018-ës, ku nuk i ka kursyer edhe batutat me stafin.
Pak ditë pas saj i pari i qeverisë është parë në familjen e Damianës, duke mbajtur kështu premtimin për fishat e diabetit.
Kësaj jave të parë i është shtuar edhe heqja e mandatit të dy deputetëve, Gledjon Rehovicës e Aqif Rakipit të prekur nga ligji i Dekriminalizimit, por edhe një aktivitet me rëndësi siç ishte 27-vjetori i themelimit të Rilindjes Demokratike.
Aktiv gjatë kësaj jave është parë edhe Presidenti Meta, i cili është pritur me nderime në Bashkinë e Pustecit, aty ku edhe ka bërë premtime për ruajtjen e identitetit të minoritetit maqedonas.
Gjatë viztës së tij ka mbizotëruar një mot i kthjellët dhe kjo ka bërë që nënkryetari i Bashkisë së Pustecit, Andon Jani të përdorë edhe batuta: “Erdhe ti na u hap dhe koha”.
