Kryeministri Edi Rama po zhvillon një vizitë një ditore në Austri, për të zhvilluar një takim me rektorin dhe me drejtuesit e Universitetit të “BOKU”. Në fjalën e tij gjata takimit, Rama tha se kishte vendosur që të shkonte dhe vetë në takim për të krijuar idenë e qartë të rëndësisë së nismës.
“Me këtë rast, jemi këtu me rektorin e UBT-së, i cili është një universitet me një traditë mjaft të shquar. Erdha vetë për t’u siguruar që përmes pranisë timë ta kuptoni sa me rëndësi është për ne. Me pak fjalë, do thoja që ëndrra jonë është që të kemi universitetin tuaj në Shqipëri,”-tha Rama.
“Faleminderit shumë të gjithëve. Arsyeja se pse jemi këtu dhe pse erdha personalisht është se i japim rëndësi shumë të madhe programit të ti të qeverisë që do jetë një prej përparësive në mandatin e ri që nis nga shtatori. Dhe që ka të bëjë me përpjekje për të bërë bashkë dhe për të krijuar sinergji të plota midis universiteteve shqiptare dhe atyre europiane. Me këtë rast, jemi këtu me rektorin e UBT-së, i cili është një universitet me një traditë mjaft të shquar. Erdha vetë për t’u siguruar që përmes pranisë timë ta kuptoni sa me rëndësi është për ne. Me pak fjalë, do thoja që ëndrra jonë është që të kemi universitetin tuaj në Shqipëri. Njerëzit mund të thonë që dua të shkoj tek Boku por nuk kam nevojë që të largohem nga shtëpia dhe ta lë vendin sepse thjesht shkoj në Tiranë dhe e kam aty. Kjo është ambicia jonë”, deklaroi Rama ne takim.
Gjatë fushatës për zgjedhjet parlamentare, Rama premtoi “binjakëzimin” e universiteteve shqiptare me ato europiane, duke bërë edhe njehsimin e diplomave për të gjithë studentët./m.j
