Luis Enrique ka lavdëruar lojtarët pas fitores kundër Granadas. Barcelona e ka mposhtur 4:1 Granadan, duke iu ofruar në dy pikë Real Madridit në renditjen e La Ligas, transmeton Gazeta Express.
Trajneri i katalanasve, Luis Enrique, është ndarë i kënaqur me paraqitjen e djelmoshave të tij në këtë ndeshje, teksa lavdëroi edhe sulmuesin që nuk po luan shumë, Francisco Alcacer – i cili gjeti golin.
“Bëmë një ndeshje të mirë nga fillimi deri në fund. Ishim të përkushtuar dhe jam i lumtur me paraqitjen e djelmoshave nga mbrojtja deri te sulmi.
E dinim se nuk do të jetë lehtë, por në fund morëm tre pikë dhe kjo është më rëndësi”, tha Enrique.
“Alcacer pati mundësi të vërtetojë se është lojtar i madh. Jam i lumtur për golin që shënoi dhe paraqitjen që bëri”, shtoi Enrique.Alcacer hyri në lojë në minutën e 17’të, duke zëvendësuar të lënduarin Rafinha, përgatiti ”Express”. (b.an)
