Të jesh nënë thuhet se është një punë me orar të plotë; por ashtu edhe kur jeni olimpiste. Mendimi që të provosh të jesh të dyja për shumë njerëz mund të jetë një detyrë e frikshme.
‘Teamusa.org’ ka publikuar një artikull të 10 sportisteve që përfaqësojnë Amerikën në Lojërat Olimpike ‘Rio 2016’, të cilat po ashtu janë edhe nëna, gjë që nuk i ka ndalur të realizojnë ëndrrën e tyre dhe të jenë sportiste kulminante, transmeton Koha.net.
Në mesin e dhjetë super-nënave që përfaqësojnë Amerikën në ‘Rio 2016’ është edhe shqiptarja Enkelejda Shehaj.
Enkelejda Shehaj, qitje
Sportistja shqiptare Shehaj do të përfaqësojë Amerikën për herë të parë në karrierën e saj, pasi më parë e ka përfaqësuar edhe Shqipërinë në Lojërat Olimpikë më 1992 dhe 1996. Ajo jeton në Napoli me burrin e saj dhe ka dy vajza.
Nia Ali, atletikë
Ali fitoi medaljen e artë në vrapimin 60 metra me pengesa në kampionatin botëror të mbyllur më 2014. Dy vjet më vonë ajo fitoi të artën për herë të dytë me djalin e saj Titus, i lindur më 8 maj 2015, i cili shikoi në tribuna.
Ajo në Rio do të garojë për herë të parë në Lojëra Olimpike në 100 metra me pengesa. Kurse edhe babai i Titusit, Michael Tinsley do të garojë në Rio në 400 metra me pengesa.
Kristin Armstrong, çiklizëm
Armstrong ishte martuar me Joe Savola më 2007, dhe çifti e sollën në jetë të birin e tyre, Lucas më 15 shtator 2010. Ajo fitoi medaljen e artë olimpike dy vjet më vonë në Londër, kurse në Rio do të jetë paraqitja e saj e katërt në Lojëra Olimpike.
Gwen Berry, atletikë
Pasi shërbeu si një alternativë në Lojërat Olimpike Londër 2012, Berry do të debutojë në Rio në hedhjen e çekanit. Ajo ka një djalë, i cili quhet Derrick.
Kelly Griffin, regbi
Griffin e fitoi të argjendtën në Lojërat Pan Amerikane më 2015 me ekipin kombëtar të femrave dhe do të jetë debutuese në Rio. Ajo ka dy fëmijë, Quinn dhe Connor.
Chaunte Lowe, atletikë
Loëe ishte martuar më 21 gusht 2005 me ish-kërcyesin e trefishtë të Floridas, Mario Loëe. Çifti e priti vajzën e parë, Jasmine në korrik 2007, kurse më 2011 ajo lindi Auroran, kurse në gusht 2013 ajo solli në jetë djalin e saj, Marioa Josiah. Kurse do të jetë pjesë e Rio 2016, që është hera e katërt e saj në Lojëra Olimpike.
Brittney Reese, atletikë
Tre herë pjesë e LO, Reese fitoi të artën në kërcim së gjati në Londër 2012. Kurse herët në këtë vit e adoptoi Alexin, tetë vjeç.
Kim Rhode, qitje
Rhode do të jetë pjesë e Lojërave Olimpike për herë të gjashtë në karrierë, dhe është në garë për t’u bërë vetëm atletja e dytë që fiton medalje në gjashtë gara olimpike. Pas kualifikimit në Rio, ajo bëhet amerikania e parë që kualifikohet në Lojëra Olimpikë në pesë kontinente të ndryshme. Rhode është nënë e djalit të saj, Carter, të cilin e kishte lindur më 13 maj 2013.
Dana Vollmer, not
Katër herë fituesja e medaljes së artë, Dana Vollmer kishte menduar se ka kryer misionin e saj pasi kishte fituar tri medalje të arta në Londër, katër vjet më parë. Pasi e solli në jetë djalin e saj, Arlen më 6 mars 2015, ajo iu rikthye sportit dhe arriti të kualifikohet për në Rio.
Kerri Walsh Jennings, volejboll në plazh
Pesë herë pjesë e LO, Kerri Walsh Jennings ka rastin që të bëhet sportistja më e dekoruar në Olimpiadë në këtë volejboll në plazh. Ajo deri më tani ka tre medalje të arta, kurse është nënë e dy djemve Joseph (7) dhe Sundance (6), dhe vajzës Scout (3).
Ajo është e martuar me Casey Jennings, gjithashtu lojtar i volejbollit në plazh, përgatiti Koha. (b.an)
