Në vetëm pak kohë Endri Cekiçi është kthyer në një nga lojtarët më të rëndësishëm të Olimpjias së Lubljanës. Pasi kishte shënuar nga një gol në 3 nga 5 sfidat e fundit, mesfushori me tipare sulmuese realizoi edhe dygolëshin e parë këtë herë duke i dhënë fitoren Olimpijas pasi me dy golat e tij Çekiçi përmbysi rezultatin në sfidën e javës së 34-t ndaj Rudar.
Pogradecari realizoi dy gola të bukur në minutat 51 dhe 76-të. Me këtë fitore Olimpija e Ljubljanës siguroi edhe matematikisht vendin e 2-të në kampionatin slloven ndërkohë që Çekiçi arriti kuotën e 5 golave në vetëm 7 ndeshje të luajtura dhe me këtë formë që po tregon i ka dhënë një sinjal trajnerit të kombëtares Edy Reja për ta grumbulluar në dy sfidat e rradhës ndaj Islandës dhe Moldavisë.
