Avokati i Popullit, Hilmi Jashari, pret nga Ministria e Drejtësisë që t’i miratojë aktet nënligjore të Ligjit për Mbrojtjen Juridike dhe Mbështetjen Financiare të Personave të akuzuar në Gjykatën Speciale.
Por, edhe pse ka kaluar një kohë e gjatë nga hyrja në fuqi e këtij ligji, Ministria e Drejtësisë ende nuk e ka finalizuar një procedurë të tillë.
Vetëvendosje shprehet kundër jo vetëm ndaj akteve nënligjore të parapara që të hartohen nga Ministria e Drejtësisë, por edhe ndaj këtij procesi në përgjithësi.
Valdete Bajrami nga Nisma për Kosovën, thotë se ashtu si ky koalicion qeverisës e ka votuar këtë gjykatë, duhet t’u sigurojë edhe mbështetje financiare të akuzuarve potencialë.
Një kërkesë e tillë ka ardhur pas rastit të arrestimit në Francë të Ramush Haradinajt nga një urdhërarrest të lëshuar nga Serbia përmes INTERPOL-it në vitin 2004 dhe shtyrjes së vendimit nga gjykata franceze për lirimin e ish-kryeministrit të Kosovës, citohet Koha. (b.an)
