Pas provokimit të fundit nga vaska, ku Enca Haxhia kishte nxjerrë trupin pjesërisht, ja ku e keni Encën e vërtetë.
E pranishme në 1vjetorin e televizionit “Mad”, në festën madhështore që u organizua në Lollipop, Enca u shfaq zhgënjyese me trupin e saj. Edhe pse në fotot që poston në rrjetet sociale duket si kukull e vërtetë, me buzë të trasha, sy të medhënj, bel të hollë, gjoks të madh dhe këmbë deri diku elegante, e vërteta është që Enca në variantin “live” duket shumë larg Encës së fotove.
E pranishme mes njerëzve, më shumë sesa një sekssimbol, Enca duket si një “topolake” e lezetshme, që përdor ngjyrat e theksuara në flokë, grim dhe veshje për t’u dukur si Lolitë marramendëse. Me sa duket, në tentativat e saj për të humbur sa më shumë kilogramë në trupin e saj, Enca ka dështuar paksa. Por gjithsesi, ajo duhet komplimentuar që di ta kurojë aq mirë imazhin e saj si këngëtare e re e skenës, duke u kthyer në pak kohë vajza më e klikuar në internet.
Di të jetë e paturpshme në pozat dhe klipet e saj, duke ofruar modelin e këngëtares së lirshme, që di të testojë saktë shijen e publikut. Me strategjinë e sukseshme në botën e showbizzit ajo arriti që të bëjë për vete fansa deri në Lindjen e Mesme, të cilët çmenden për perfomancat e saj në klipe. Aktualisht Enca, e cila ende s’i ka bërë 20 vjeç, po përgatitet për dy klipe të reja, që do të publikojë këtë verë. Fillimisht është duke punuar për klipin e saj më të fundit të këngës “Soul killa”, prej skenave të të cilit është shkëputur fotoja e fundit në vaskë. Mësohet se kënga është punuar nga producentët Zzap&Chriss dhe i përket zhanrit pop, DanceHall dhe R&B
