Një 54-vjeçare është vënë në prangat e policisë së Lezhës pasi u kap duke u shitur të miturve nëpër shkolla të mesme kokainë. Bëhet fjalë për Marjana Gjini e cila shiste lëndë narkotike të tipit kokainë në gjimnaze në Mamurras.
Gjinit i janë sekuestruar dhjetëra doza lëndë narkotike të gatshme për shitje.
54-vjeçarja u kap nga shërbimet e Policisë, në afërsi të një shkolle të mesme, në Mamurras, teksa po lëvizte me një automjet, ku pas kontrollit të ushtruar, iu gjet brenda tij një sasi lënde e dyshuar narkotike kokainë, e ndarë në dhjetëra doza të gatshme për shitje.
Materialet procedurale i kaluan Prokurorisë pranë Gjykatës së Rrethit Gjyqësor Kurbin, për veprime të mëtejshme.
/s.f
