Një ukrainase është gjetur e vdekur brenda apartamentit ku banonte në plazhin e Durrësit.
45-vjeçarja Natalia F. Yaruseska jetonte vetëm në katin e pestë të një pallati tek zona e Shkëmbit të Kavajës.
Të shqetësuar për fatin e saj, banorët e pallatit kanë njoftuar shërbimin zjarrfikës i cili ka bërë të mundur hyrjen në apartament nga ana e ballkonit. Por ukrainasja është gjetur pa shenja jete.
Trupi i saj është dërguar në urgjencën e spitalit të Durrësit e cila ka deklaruar paraprakisht se nga kqyrja e trupit nuk ka shenja dhune në të dhe vdekja e saj është natyrale.
Policia po vijon hetimet për zbardhjen e plotë të rrethanave të ngjarjes./m.j
