Një 41-vjeçar shqiptar humbi jetën të mërkurën në San Gerardo në Monza, ku ishte shtruar në spital pas një aksidenti që i ndodhi në punë në Erba (Como).
Sipas mediave të huaja, viktima është Elton Dema, i cili shkoi në Itali rreth një vit më parë. Burri kishte shkuar për të qëndruar në një apartament në Azzano San Paolo. Fillimisht vetëm, pastaj korrikun e kaluar ai marrë nga Shqipëria edhe bashkëshorten Bledjana dhe katër fëmijët e tij, 13, 10, 7 dhe 5 vjeç.
Ata ishin zhvendosur në Stezzano në një shtëpi në rrugën Ponchielli në numrin 7, ku në katin e parë banojnë edhe motra dhe kunati i tij, prej vitesh tashmë në Itali.
Tre fëmijët më të mëdhenj të Demës ndjekin shkollat në Azzano, ku tashmë kanë pasur mundësinë të vendosen. 41-vjeçari lë pas, përveç bashkëshortes, fëmijëve dhe motrës, nënën e tij që mbeti në Shqipëri (i ati i vdiq verën e kaluar) dhe dy vëllezër, njëri që mbeti atje dhe tjetri u shpërngul gjithashtu në Itali.
Familja pas vdekjes, ka kërkuar ta kthejë trupin e tij në atdhe, në Kukës, qytetin e origjinës. Dema punonte për një kompani në Grassobbio.
Mësohet se ai ka qenë duke lyer tavanin e një magazine, kur për arsye të paqarta ka rënë nga një lartësi rreth 10 metra.
Një tjetër aksident në punë ndodhi mëngjesin e djeshëm në Grassobbio, në Via 25 Prill. Sipas një rikonstruksioni fillestar, një punëtor 38-vjeçar ishte në një skelë për të lyer tavanin e një magazine të sapondërtuar. Në një moment, për arsye ende të paqarta, ai ka rënë nga një lartësi rreth 10 metra, duke i shkaktuar lëndime të ndryshme në kokë, fytyrë, shpinë dhe legen.
Pavarësisht rënies nga lartësia, burri nuk ka humbur jetën. Pas telefonatës, qendra operative 118 ka dërguar në vendngjarje mjetin mjekësor dhe autoambulancën. Stafi e stabilizoi punëtorin, i cili më pas u transportua me kodin e kuq në spitalin Papa Giovanni XXIII në Bergamo.
