Të shtëna me armë zjarri janë regjistruar mbrëmjen e sotme në drejtim të zyrës elektorale të Partisë Demokratike në Kavajë dhe për pasojë, një person ka mbetur i plagosur.
Burime bëjnë me dije se një 25-vjeçar i identifikuar si Gledi Noshtuni ka mbetur i plagosur. Ai është dërguar në spitalin e Durrësit ku po merr ndihmën e parë mjekësore.
Kavaja nuk është qyteti i parë që janë regjistruar përplasje në fushatë, pasi më parë incidente kanë ndodhur në Elbasan, Fier dhe zona të tjera të vendit.
Policia ka shkuar në vendin e ngjarjes për të kryer hetimet për rastin pasi ende nuk ka detaje se çfarë ka ndodhur./ b.h
