Policia e Sarandës ka vënë në pranga një 31-vjeçar të shpallur në kërkim për trafik droge. Sipas të dhënave zyrtare është arrestuar në flagrancë shtetasi Ervis Veizi, 31 vjeç, banues në fshatin Metoq të Sarandës.
Veizi ishte në kërkim prej muajit shkurt të këtij viti. Në datën 9 qershor 2018 Gjykata e Sarandës ka caktuar ndaj tij masën e sigurisë “Arrest në burg” me akuzën për veprën penale “prodhim dhe shitje të lëndëve narkotike”.
Veizi ishte i kërkuar si pjesë e një grupi kriminal prej 16 personash të goditur nga policia e Sarandës në shkurt 2018, të cilët kryenin trafik droge drejt Greqisë. Veizi akuzohet si transportues i lëndës narkotike nga fshati i Shalës drejt kufirit të gjelbër.
ma.me
