Një person ka mbetur i plagosur me armë zjarri. Ngjarja ka ndodhur mbrëmjen e sotme (2 nëntor) në kryqëzimin e Bathores, ndërsa raportohet se policia është vënë në ndjekje të dy personave, ende të paidentifikuar.
Personi i plagosur eshte Agim Hida 46 vjeç, i cili ka marrë plumb në këmbë dhe ndodhet në spital jashte rrezikut per jeten.
Kamëz/Informacion paraprak
Më datë 02.11.2023, rreth orës 19:15, në afërsi të kryqëzimit të Bathores, në rrethana ende të paqarta, dy persona ende të paidentifikuar të cilët lëviznin me një motomjet, kanë qëlluar me armë zjarri shtetasin A. H., 46 vjeç.
Si pasojë 46-vjeçari është plagosur në këmbë dhe ndodhet në spital, nën kujdesin e mjekëve.
Shërbimet e Policisë pas marrjes së njoftimit kanë shkuar menjëherë në vendngjarje, kanë rrethuar zonën, kanë ngritur pika kontrolli dhe vijon krehja e zonës për të bërë të mundur kapjen e autorit/ëve.
Grupi hetimor, në drejtimin e Prokurorisë, ndodhet në vendngjarje dhe vijon veprimet hetimore për zbardhjen e rrethanave të ngjarjes./m.j
