Trupi i pajetë i gjetur në liqenin e Kastriotit në Dibër i përket 27-vjeçares, Shpëtime Shehu nga fshati Vrenjt i Njësisë Administrative Kastriot.
Dyshohet viktima vuante nga depresioni. 27-vjeçarja ka qenë e pamartuar.
Trupi i pajetë i viktimës u gjet në liqenin e Kastriotit sot rreth orës 14:00 në rezervuarin e fshatit Rrenxë.
Viktima është larguar në mëngjes nga shtëpia dhe është pikasur fillimisht rreth orës 11:30 nga një bari i zonës i cili ka tentuar të njoftojë banorët e zonës për ta identifikuar dhe menjëherë ka njoftuar policinë.
Paraditen e kësaj të premteje ajo u gjet e mbytur në rezervuarin e fshatit Rrenzë në Njësinë Administrative Kastriot në Bashkinë e Dibrës.
Policia e Dibrës ka nisur hetimin për zbardhjen e ngjarjes së rëndë./m.j
