Një aksident ka ndodhur në segmentin rrugor Fier-Kraps, ku një furgon është përplasur me një makinë të parkuar anës rrugës.
Nga përplasja ka humbur jetën drejtuesi i furgoni, i identifikuar si Shefqet Kasa, 66 vjeç, i cili u çua në gjendje të rëndë shëndetësore në spitalin rajonal.
Në vendngjarje ka mbërritur policia dhe grupi hetimor, i cili ka nisur punën për zbardhjen e shkaqeve të aksidentit që çoi në vdekjen e 66-vjeçarit.
Njoftimi i policisë:
Fier
Informacion paraprak
Në datën 03.11.2018, rreth orës 18:10 , në vendin e quajtur “Kraps”, shtetasi Sh.K, 66 vjeç, duke drejtuar mjetin tip Reno, është përplasur me një mjet të parkuar.
Si pasojë e përplasjes është dëmtuar vet drejtuesi i mjetit, shtetasi Sh.K.
Shtetasi i dëmtuar ka ndërruar jetë në Spitalin Rajonal Fier.
Grupi hetimor po punon për zbardhjen e rrethanave të aksidentit.
