Një 31 vjeçar është dënuar me 20 muaj burg dhe 2 vite ndalim për të drejtuar makinën nga një gjykatë britanike. Aldo Leka u dënua për akuzën e dhënies së automjetit në mënyrë të rrezikshme, posedim të parave kriminale dhe dhënies së automjetit pa siguracion apo patentë.
Sipas medieve të huaja, i riu shqiptar u gjykua e dënua për një ngjarje të ndodhur më datë 3 janar. Policia mori njoftim për një Mercedes C220, që po lëvizte në mënyrë të rrezikshme në një zonë të populluar. Kur policët iu vunë nga pas, shqiptari filloi të ecte me shpejtësi mbi 20 km/h, mbi limitin e lejuar.
Por në një pikë automjeti u detyrua të ndalonte, duke goditur trotuarin. Shqiptari nuk u dorëzua, zbriti nga makina dhe kapërceu një rrethim duke u larguar me vrap për në pyll. Policia arriti që të arrestonte pikërisht në pyll. Gjatë kontrollit në makinë, atij iu gjetën 27,990 paund që duket se ai po i transportonte diku dhe e që buronin nga aktiviteti kriminal.
/e.d
