Një bandë italo-shqiptare e drogës u shkatërrua ditën e sotme në Leçe të Italisë, që çoi në arrestimin e 19 personave, ku mes tyre edhe shqiptarë.

Gjithashtu, kjo bandë, e cila operonte në zonën e Salentos, kishte në grupin e saj edhe oficerin e Policisë, Cristiano Giannone-n. Ky i fundit nuk është arrestuar, pasi gjykatësi ka thënë se lidhja e tij me vetëm njërin prej anëtarëve të bandës, nuk mjafton për ta burgosur.

Hetimi për organizatën kriminale ka nisur në vitin 2014. Banda ka qenë nën mbikëqyrje për trafikimin e disa llojeve të drogave, në Leçe, Guanjano, Brindizi, Masafra, Taranto e tj.

Në atë kohë, banda pati trafikuar 14 kg heroinë, 136 kg marijuanë, si edhe shumë armë zjarri të rënda. Për zonën e Tarantos kujdeseshin shqiptarët, të cilët e kishin bazë të operacioneve të tyre të drogës. Kështu, janë dokumentuar nga Policia shitje dhe trafikim droge në zona të ndryshme të Italisë. Ndërsa kanabisi shitej edhe në Milano dhe Bari.

“Operacioni tregon se sa të forta janë lidhjet e karteleve të drogës shqiptare me Brindizin dhe Barin.

Lidhjet e tyre janë forcuar prej dekadash. Trafiku i drogës e ka qendrën në Salento dhe aty kontrollohet edhe droga në Veri të Italisë”, tha prokurori për mediat italiane.

Te arrestuarit:

Ervin Gervaj, 35 vjeç, shqiptar

Davide Giovine, 38 vjeç, italian

Alessio Bellanova, 34 vjeç, italian

Tommaso Danese, 40 vjeç, italian

Cristian Luigi Giannone, 41 vjeç, polic italian

Marenglen Halka, 35 vjeç, shqiptar

Marjus Halka, 32 vjeç, shqiptar

Hendri Kapllani, 29 vjeç, shqiptar

Gianluca Lorè, 33 vjeç, italian

Giuseppino Mero, 52 vjeç, italian

Christian Montanaro, 28 vjeç, italian