Zbulohen emrat e të arrestuarve për mashtrimin përmes bursave. Tre shtetasit e arrestuar nga operacioni i përbashkët mes SPAK dhe autoriteteve italiane janë Elisa Caci, Valbona Abedinaj dhe Gilberdo Pushani.
Sipas hetuesve, dëmi i shkaktuar nga veprimtaria kriminale llogaritet paraprakisht rreth tre milionë euro.
SPAK tha se gjatë hetimit ka rezultuar se autorët kanë qenë shumë të saktë në përdorimin e skemave për të bindur qytetarët në derdhjen qindra mijëra eurove në llogaritë e vendosura jashtë dhe brenda vendit.
“Serveri është gjetur në sistemin “aruba”. Në këto mmente nuk rezultojnë të përfshirë shtetas italian. Esthe e mundshme që të jenë, se bashkëbisedimi me shtetasit italin bëhej ne gjuhën italiane e mundshme që një pjesë e këtyre që bënin thirrje të jenë italiane.
Vështirësia e këtij hetimi ka qenë më tepër nga ana informatike për të shkuar tek autorët e veprave penale. Arritëm të gjejmë vendin fizikisht ku ushtrohej veprimtaria dhe kjo ka zgjatur një vit”, tha prokurori italian ne konferencen per shtyp.
“Këta persona, provat janë të plota për përfshirjen e tyre në këtë aktivitet. Ndryshonin gjithmonë qendrën e call center, vendi është një por në fakt janë dy call center në të njëjtin vend”, tha prokurori i SPAK i cili ka konfirmuar se prokuroria shqiptare është duke hetuar dhe në bashkëpunim me shtete të tjera per kete veprimtari kriminale.
“Përdorim i bitcoin është i vështirë për tu identifikuar se paratë e derdhura në bankat e Evropës ishin të kthyera në bitcoin. E pamundur të gjesh se ku kanë shkuar këto para”, tha prokurori italian.
/e.d
