Partia Demokratike nuk ka zyrtarizuar akoma të gjashtë kandidatët për kryetar të Bashkisë në 6 njësitë vendore. Ajo është më vonë se grupimi Berisha që i ka përcaktuar këto emra dhe Partia Socialiste.
Por gjatë këtyre ditëve kanë dalë disa emra që cilësohen si të sigurt dhe disa si jo të tillë. Tashmë është zyrtarizuar kandidatura për bashkinë e Durrësit.
Luan Hoti, do të jetë propozuari nga PD-ja për të konkurruar përballë Emirjana Sakos të PS-së dhe Ardian Mukës të grupimit Berisha, që përfshihet në koalicionin Shtëpia e Lirisë, ku futen LSI dhe PDK e Ndokës.
PD është drejt konfirmimit të kandidaturës për bashkinë e Shkodrës. Xhemal Bushati, ish-kreu i këshillit bashkiak mendohet se do të jetë kandidati i Bashës për të rivalizuar Bardh Spahinë të grupimit Berisha dhe kandidaten e PS-së, prefekten aktuale Majinda Angoni.
I sigurt flitet edhe kandidati për bashkinë e Rrogozhinës, ku PD do të caktojnë Fatbardh Saraçin që do të “ndeshet” më 6 mars me dy kandidatët e tjerë Edison Memolla i PS-së dhe Hekuran Xhani i koalicionit “Shtëpia e Lirisë”.
Për bashkinë e Vorës ende nuk eshte vendosur. Kandidatur dhe per Lushnjën, ku bëhet fjalë për Indrit Sefën, i cili do të përfaqësojë PD ne zgjedhjet e pjesshme të 6 marsit.
Ndërsa mësohet se për bashkinë e Dibrës përflitet emri i Naim Gazidedes që është kryetari i degës së PD-së, por akoma nuk është vendosur përfundimisht. Zgjedhjet e 6 marsit në 6 bashkitë do të shihen më tepër edhe si një rivalitet ndërmjet dy grupimeve brenda PD-së, të Bashës dhe Berishës, cili nga kandidatët do të marrë mbështetje më shumë. Beteja më e fortë do të zhvillohet mes dy grupimeve në ato qytete që njihen si bastione të demokratëve, si Shkodra apo Dibra. Aty do të shihen se cilën kandidat do të mbështesin demokratët ata të Berishës apo të Bashës.
Shkodër
Majlinda Angoni PS
Fatbardh Spahia Shtëpia e Lirisë
Xhemal Bushati PD
Durrës
Emirjana Sako PS
Ardjan Muka Shtëpia e Lirisë
Luan Hoti PD
Lushnje
Eriselda Sefa PS
Elton Bano Shtëpia e Lirisë
PD Indrit Sefa
Dibër
Rrahim Spahiu PS
Premtim Kryemadhi Shtëpia e Lirisë
Naim Gazidede- PD, i pavendosur
Vorë
Blerim Shera PS
Lulzim Vrana- Shtëpia e Lirisë
PD E pavendosur
Rrogozhinë
Edison Memolla PS
Hekuran Xhani Shtëpia e Lirisë
Ferdinand Saraçi PD/m.j
