Një ngjarje e rëndë është shënuar ditën e sotme në rrugën “Myslym Keta” në Tiranë. Një 51-vjeçar është goditur me thikë teksa po kryente punime në shtëpinë e agresorit.
“Balkanweb” ka bërë të mundur identifikimin e të plagosurit dhe personit që e sulmoi atë.
Ajo thotë se i plagosuri është shtetasi Dashamir Lecini, ndërsa autori që rezulton i dënuar më parë për vjedhje është identifikuar shtetasi, Stefan Agolli.
I plagosuri është dërguar në spitalin e Traumës dhe po merr trajtim të specializuar, ndërsa agresori është vënë në pranga të policisë. Policia po punon për zbardhjen e plotë të ngjarjes.
