Mediat italiane kanë publikuar emrin e 57-vjeçarit shqiptar, i cili masakroi për vdekje bashkëshorten e tij në sy të djalit adoleshent. Autori i krimit makabër është shtetasi Xhevdet Mehmeti, ndërsa viktimë ka mbetur gruaja e tij, 52-vjeçarja Elsa Terezi.
Ngjarja kriminale ka ndodhur në Piacenza, ku ka qenë djali 17-vjeçar i çiftit, i cili ka njoftuar menjëherë policinë. 57-vjeçari e ka goditur me thikë në fyt gruan në kulmin e një grindjeje të dhunshme. Policia e ka gjetur trupin e 52-vjeçares të pajetë të shtrirë në dyshemenë e kuzhinës dhe të mbuluar nga gjaku.
Menjëherë sapo djali ka njoftuar policinë, shqiptari është arratisur nga shtëpia në këmbë, por më vonë ai u dorëzua në polici. Ndërkohë, pritet dëshmia e djalit për të hedhur dritë mbi të vërtetën e këtij krimi.
a.ç
